प्रेमसंबंधाच्या संशयातून भावाने केली बहिणीची हत्या.!!!

 प्रेमसंबंधाच्या संशयातून भावाने केली बहिणीची हत्या.!!!

   धुळे प्रतिनिधी :-

        धुळे : - सध्या महाराष्ट्रात घातपात झाल्याचा घटनांमध्ये वाढ होत आहे अश्यातच धुळे जिल्हातिल साक्री तालुक्यात एक बहिण भावाच्या नात्याला काळिमा फासणारी घटना समोर आली आहे. बहिणीचे प्रेमसंबंध होते आणि पळून जाण्याच्या तयारीत असल्याचा संशय होता. यातूनच हट्टी गावाशिवारातील शिवमेंढा येथे रात्री 3 च्या सुमारास बहीण पुष्पा रमेश हालोर हिच्या अंगावरील साडीची लेस फाडून निंबाच्या झाडाला बांधून फास तयार केला. त्यानंतर तिला गळफास अडकवून फासावर लटकवले. त्यानंतर घरी जावून पुष्पा हिने स्वत:च्या हाताने गळफास घेऊन आत्महत्या केल्याचे भासवून आई व मित्रांसह गावातील लोकांना खोटी माहिती दिली. 

         धुळ्यातील साक्री तालुक्यात निजामपूर पोलीस ठाण्याच्या हद्दीमध्ये सैराटची पुनरावृत्ती झाली आहे. आपल्या 22 वर्षीय बहिणीचे कोणाशी तरी प्रेमसंबंध असून प्रियकरासोबत ती पळून जाण्याच्या बेतात असल्याचा संशयातून भावानेच तिची हत्या केल्याची खळबळजनक घटना घडली आहे. भावाने आधी तिला मारहाण केली, मग गळफास लावून हत्या केली. हत्या केल्यानंतर रात्रीच तिचा अंत्यविधी उरकून टाकण्यात आला. पोलिसांनी अत्यंत शिताफीने संशयित भावास गजाआड केले आहे. संदिप रमेश हालोर असे आरोपी भावाचे नाव आहे. आरोपीला 19 जूनपर्यंत पोलीस कोठडी सुनावण्यात आली आहे. 

     आरोपीने तरुणीला मारहाण करीत फासावर

 लटकवले

संदिप रमेश हालोर( वय २४ ) याने त्याची बहिण पुष्पा हिचे कोणाशी तरी प्रेमसंबंध असल्याचा संशय घेऊन तिला मारहाण करत गळफास लावला. तसेच रात्रीच तिचा अत्यंविधी आटोपून टाकला, अशी गोपनीय माहिती निजामपूर पोलिसांना मिळाली होती. या महितीनुसार निजामपूर पोलिस तपास पथकाने हट्टी गाव परिसरात रवाना होवून बातमीची खातरजमा केली असता आरोपी संदीप हालोर हा गावातच सापडला. दरम्यान पोलिसांनी त्यास विश्वासात घेवून विचारपूस केली असता आरोपीने गुन्हा केल्याची कबुली दिली. 

             बहिणीला फासावर लटकवून आत्महत्या केल्याचे नाटक केले.

बहिणीचे प्रेमसंबंध होते आणि पळून जाण्याच्या तयारीत असल्याचा संशय होता. यातूनच हट्टी गावाशिवारातील शिवमेंढा येथे रात्री 3 च्या सुमारास बहीण पुष्पा रमेश हालोर हिच्या अंगावरील साडीची लेस फाडून निंबाच्या झाडाला बांधून फास तयार केला. त्यानंतर तिला गळफास अडकवून फासावर लटकवले. त्यानंतर घरी जावून पुष्पा हिने स्वत:च्या हाताने गळफास घेऊन आत्महत्या केल्याचे भासवून आई व मित्रांसह गावातील लोकांना खोटी माहिती दिली. पहाटे 5 च्या सुमारास तिच्यावर घाईघाईत

अंत्यसंस्कार देखील केले. अंत्यविधी करतेवेळी 

तिचे अंगावरील सर्व कपडे तसेच गळफास तयार केलेली साडीची लेस असे सर्व पुरावे नष्ट करण्याच्या हेतूने दहनात टाकले. पोलिसांनी संदीपला खाक्या दाखवताच तो पोपटा सारखा बोलू लागला. हट्टी गावशिवारातील शिवमेंढा येथे रात्रीचे तीन वाजताच्या सुमारास हा प्रकार घडला. बहीण पुष्पा रमेश हालोर वय-22 हिचे एका मुलाशी प्रेमसंबंध असल्याने ती पळून जाण्याच्या बेतात होती, असा दावा आरोपीने केला. त्याचा राग मनात धरून त्याने तिच्या अंगावरील साडीची लेस फाडून लिंबाच्या झाडाला बांधून फास तयार केला. त्यानंतर तिला गळफास लावून जीवे ठार मारण्याच्या इराद्याने ढकलून देत तिचा जीव जाईपर्यंत तो तेथेच थांबून राहिला.

परंतु निजामपूर पोलिसांनी याचा संपूर्ण छडा लावत आरोपी भावाला गजाआड केले. आरोपीला साक्री न्यायालयात हजर केले असता न्यायालयाने त्याला 19 जूनपर्यंत पोलीस कोठडी सुनावली आहे.